Dünyada ən çox çay sevən xalqlardan biri Azərbaycan xalqıdır. Ölkəmizdə çay mədəniyyəti olduqca zəngindir, çaya olan sevgimiz haqqında isə ağız dolusu danışmaq olar. Məhz buna görə də, Azərbaycan xalqının çay sevgisinə layiq olan “TUDOR” markası ekspertlər tərəfindən seçilən xüsusi çay yarpaqlarından ərsəyə gəlir.
“Seylon çayı hardan gəlir?” sualına ən bariz cavab olaraq “Şri-Lankanın dağlarından və ətəklərindən” demək olar. Şri-Lanka Hindistanın cənubunda yerləşən bir ada ölkəsidir, XX əsrin ortalarına kimi Seylon adı ilə məşhur idi. Şri-Lankanın sahib olduğu iqlim orada il boyu çay yığımı üçün münbit şərait yaradır. Bu ölkədə çay yığımı texnika ilə deyil, əl ilə toplanır və qayğı ilə çeşidlənir. Məhz buna görə də çay yarpaqlarının dadı və ətri qorunur.
Xalqımızın çaya düşkünlüyü sayəsində çayın ayrılmaz hissəsi sayılan qənd də xüsusi yerə malikdir. Pürrəngi çay, özü də kəllə qəndlə… Kəllə qənd xüsusi istehsal prosesinə malikdir. Yüksək keyfiyyətli şəkər tozu xüsusi əritmə qazanlarında əridilərək filtrlərdən keçirilir, arıtlanır və bundan sonra əmələ gələn şəkər şərbəti vakuum bişirmə aparatına daxil edilərək 75-85 °C temperaturda tam qapalı sistemdə bişirilir. Daha sonra bişmiş və qatılaşdırılmış şərbət qəliblərə doldurulur və burada bərkimə prosesi həyata keçirilir. Növbəti mərhələdə bu qəliblər dəqiqədə 550-600 dəfə fırlanma sürəti ilə fırlanan sentrifuqalara yerləşdirilir. Bu fırlanma sayəsində kəllə qənd öz bəyaz rəngini almağa başlayır. Daha sonra bütöv şəkildə istehsal edilmiş kəllə qənd qurutmaya verilərək doğrama qurğuları vasitəsilə doğranılır və qablaşdırılır. Bu proses boyunca heç bir kimyəvi qatqılardan istifadə edilmir və bütün proseslər qapalı formada tam avtomatlaşdırılmış rejimdə aparılır.
Ölkəmizdə əsrlərdən bəri çay dostluğun, qonaqpərvərliyin və gözəl xatirələr paylaşılmasının simvolu olmuşdur. “TUDOR” çay ailəsi ən gözəl anlarınıza xüsusi aroma qatacaq.